လူယောင်ဖန်ဆင်းနိုင်တဲ့ သမန်းသားရဲတွေရဲ့ နောက်ဆုံးပန်းတိုင်က လူသားစစ်စစ် ဖြစ်လာဖို့ပဲ။ ဒီကားရဲ့ ဇာတ်လိုက်ကျော်ဖြစ်တဲ့ အမြီးကိုးချောင်းမြေခွေးအွန်းဟိုကလည်း လူသားတွေရဲ့ ဆန္ဒတွေ ဖြည့်ဆည်းပေးပြီး သူကိုယ်တိုင် လူသားဖြစ်လာဖို့ နှစ်ရာချီ ကျင့်ကြံလာပြီးမှ အကြောင်းရင်းတစ်ခုကြောင့် လူသားဖြစ်ဖို့ကို ခါးခါးသီးသီး ငြင်းပယ်တဲ့အဆင့် ရောက်သွားပါတယ်။
တစ်ဖက်မှာ ကမ္ဘာ့အဆင့်လူငယ်ဘောလုံးကစားသမား ဂန်စီယောကျ အရည်အချင်း အရမ်းရှိပေမယ့် အသင်းအဖွဲ့ထက် သူ စိတ်ကြိုက် ကစားဖို့ပဲ ဆန္ဒရှိသူတစ်ယောက်ပါ။ တစ်နေ့မှာ နာမည်ဂုဏ်သတင်းအကုန် ဆုံးရှုံးသွားတဲ့သူက လွန်ခဲ့တဲ့ ကိုးနှစ်က ရဖူးတဲ့ လိပ်စာကတ်လေးတစ်ခုကြောင့် အွန်းဟိုနဲ့ ဆုံမိပြီး မသိနိုင်တဲ့ အကြောင်းရင်းတစ်ခုကြောင့် အွန်းဟိုကိုပဲ လူသားဖြစ်အောင် လုပ်မိရက်သား ဖြစ်သွားပါတယ်။
အရာရာထက် ကိုယ့်ကိုယ်ကိုယ် ပိုချစ်ကြ၊ တစ်ကိုယ်ကောင်းဆန်ကြတဲ့ ဖြစ်တည်မှုနှစ်ခုက မလွှဲမရှောင်သာ ဆုံစည်းမိကြ၊ မဖြစ်မနေ အတူတူ ဆက်ရှိနေကြရပြီးနောက် ဘာတွေ ဆက်ဖြစ်ကြမလဲ။ သူတို့ကြားမှာ ချစ်ခြင်းတစ်ခု ပေါက်ဖွါးလာဖို့ဆိုတာ ဖြစ်နိုင်ရဲ့လား။ အွန်းဟို လူသားဖြစ်ဖို့ ငြင်းဆန်ရတဲ့ အကြောင်းရင်းကရော ဘာများလဲ။
၂၀၂၆ မှာ အမျှော်လင့်ကြရဆုံး kdrama တွေထဲက တစ်ခုဖြစ်တဲ့ no tail to tell ဟာ ၁၂ ပိုင်းရှိပြီး Netflix နဲ့ SBS ကနေ Jan 16 ရက်နေ့ကစပြီး အပတ်စဉ် သောကြာ၊ စနေနေ့တိုင်း ထုတ်လွှင့်သွားမှာပါ။ ဂူမီဟို(မြေခွေး)ကားတိုင်း ဘယ်လို concept နဲ့လာလာ ပေါက်လေ့ရှိတဲ့ ကင်ချီမြေက နောက်ထပ် သဘာဝလွန်ချစ်ပုံပြင်တစ်ပုဒ်ကို ကြည့်ဖို့ အသင့်ဖြစ်ကြပြီးဆိုရင် BLSFLIX ကို ကြွခဲ့ကြပါနော်။