ပြောစရာမလိုအောင် စောင့်နေကြတဲ့ကားဖြစ်လို
ကြည့်ချင်အောင် အများကြီးညွှန်းမနေဘဲ
ဇာတ်လမ်းကျောရိုးကိုပဲ တန်းသွားလိုက်ပါမယ်။
မျက်လုံးပါးစပ်တွေ အချုပ်ခံထားရပြီး တွဲလောင်းကျနေတဲ့
အလောင်း ၇ လောင်းရဲ့ မျက်မြင်သက်သေဟာ
တောနက်ထဲက သစ်ပင်ကြီးတစ်ပင်တဲ့…။
သင်သာဆိုရင် ဒီကိစ္စကြီးထဲ
ထဲထဲဝင်ဝင် ပါဝင်ပတ်သက်ချင်ပါ့မလား?
သဘာဝလွန်ကိစ္စတွေကို မယုံကြည်ဘဲ
သက်သေတွေနဲ့ လက်တွေ့လောကကိုသာယုံတဲ့
Singha ဆိုတဲ့စုံထောက်ကတော့ ဒီအမှုကိုစုံစမ်းရပါတော့မယ်။
သက်သေသစ်ပင်အိုကြီးအပြင်
ဒီအမှုမှာ ပါဝင်ပတ်သက်လာမှာကတော့
မမြင်အပ်မကြားအပ်တာတွေကို မြင်နေကြားနေရတဲ့
လောကနှစ်ခုကြားရှင်သန်နေရသူ Thup ပါ။
စုံထောက်နဲ့သံသယရှိသူဆိုတဲ့ အနေအထားကနေ
အမှုအတူလိုက်သူတွေဖြစ်လာပြီး
နောက်ဆုံး ကိုယ်တိုင်ပါ သားကောင်ဖြစ်လာရချိန်
နောက်ဆုတ်ဖိုအတွက် အချိန်မီပါဦးမလား?
သက်ရှိသက်မဲ့ကြားကနယ်နိမိတ်တွေ ဝေဝါးလာချိန်
ရှေးဟောင်းယုံကြည်မှုတွေ နိုးထလာချိန်
သေခြင်းတရားက သူတိုကိုပါ လိုက်ခြောက်လှန့်လာချိန်
သူများတွေရဲ့အသက်ကို ကယ်နိုင်ပါဦးမလား?
BL, Horror နဲ့ Supernatural တိုရဲ့ပေါင်းစပ်မှုကို
Khemjira မှာတင် အကြိုက်တွေ့နေကြသူတွေအဖို
လက်တွေ့ဆန်တဲ့စုံထောက်နဲ့ သဘာဝလွန်ကောင်လေးတိုက
ရင်ခုန်စိတ်လှုပ်ရှားစရာညတွေကို ယူဆောင်လာပေးဦးမှာပါ။