Undercover Miss Hong
ဟုန်းဂွန်းဘိုဟာ ဘဏ္ဍာရေးအကြံပေးဝန်ဆောင်မှုမှာ လက်ရွေးစင်အေးဂျင့်အဖြစ် အလုပ်လုပ်နေတဲ့ အသက် ၃၀ ကျော် အမျိုးသမီးတစ်ဦးပါ။ သူက အရာရာကို ခေါင်းအေးအေးထား စဉ်းစားပြီး အလုပ်ကလွဲပြီး မသိတဲ့ career woman တစ်ယောက်ပေါ့။ ရန်ပုံငွေကိစ္စ မသင်္ကာမှုတစ်မှုကြောင့် သူက အသက် ၂၀ အရွယ် အထက်တန်းကျောင်းသူ ညီမဖြစ်သူ ဟုန်းဂျန်းမီအနေနဲ့ ဟန်မင်းလုံခြုံရေးကုမ္ပဏီမှာ အလုပ်ဝင်ဖို့ ဖြစ်လာပါတယ်။
အဲ့မှာ ဟန်မင်းရဲ့ ဥက္ကဌအသစ်ဖြစ်လာတဲ့ ရှင်းဂျွန်းအူနဲ့ ဆုံပါတယ်။ ရှင်းဂျွန်းအူက စီမံခန့်ခွဲရေးအကြံပေးပါရမီရှင်ဖြစ်ပြီး ကိန်းဂဏန်းတွေကသာ ရိုးသားတယ်လို့ ယုံကြည်နေသူတစ်ဦးပါ။ ပန်းတိုင် ရောက်ဖို့ဆို ဘယ်နည်းမဆို သုံးရဲသူလည်း ဖြစ်တယ်။ ဒါပေမယ့် သူ့ရင်ထဲမှာ သိမ်းဆည်းလာရတဲ့၊ တစ်ချိန်က အချစ်ဦးနဲ့ တထေရာတည်းတူတဲ့ ဟုန်းဂျန်းမီနဲ့ ဆုံလာတဲ့အခါ ဘာတွေ ဖြစ်လာကြမလဲ။ ကိန်းဂဏန်းတွေကြားမှာ ပိုမိုရိုးသားတဲ့ နှလုံးသားတွေရဲ့တွေ့ဆုံမှုက ဘယ်လိုများအဆုံးသတ်မလဲ။
The judge from hell မှာ ဂန်ဘစ်နာအဖြစ် အရမ်းပေါက်ခဲ့တဲ့ ပတ်ရှင်ဟေးက ဇာတ်ကောင်နှစ်ခုကို တစ်ခါတည်း slay ဖို့ ပြန်လာပါပြီ။ ရုပ်တည်ကြီးနဲ့ ဟာသတွေ ထထလုပ်တဲ့ မင်းသားဂိုဂယောင်းဖြိုးကလည်း ရှင်းဂျွန်းအူအဖြစ် ပါဝင်ထားပါတယ်။ Itzy က ယူနာကြောင့် k-popper တွေ မျှော်လင့်နေကြတဲ့ ကားတစ်ကားလည်း ဖြစ်ပါတယ်။ ၁၉၉၀ နှောင်းပိုင်းဘဏ္ဍာရေးအခြေခံစီးရီးတစ်ခုဖြစ်လို့ တစ်ခါက အာရှတစ်ခွင်ကို ပြင်းပြင်းထန်ထန်လှုပ်ခါစေတဲ့ IMF 1997 အကြောင်းလည်း အနည်းနဲ့အများ ပါဝင်မှာပါ။ ဒီလို ဟာသ၊ ရသ၊ သုတ အစုံရောစပ်ထားပြီး စနေ၊ တနင်္ဂနွေတိုင်း tvN နဲ့ Netflix က ပြသမယ့် Undercover Miss Hong ကို BLSFLIX နဲ့အတူတူ စီးမျောပေးကြပါဦးနော်။