Following

Following (2024)

ပရိသတ်ကြီးအတွက် ဒီတစ်ခါတင်ဆက်ပေးချင်တဲ့ဇာတ်ကားလေးက သည်းထိတ်ရင်ဖိုဇာတ်လမ်းအမျိုးအစားဖြစ်တဲ့ Following (2024) ကိုရီးယားဇာတ်လမ်းလေးပဲဖြစ်ပါတယ်။Gu Jeong-tae ဆိုတဲ့ အိမ်ခြံမြေအကျိုးဆောင်တစ်ယောက်က ဝါသနာအရ သူ့ဆီမှာအိမ်အရောင်းအဝယ်လုပ်ဖို့ သော့အပ်ထားတဲ့သူတွေရဲ့နေအိမ်တွေကိုခိုးကြောင်ခိုးဝှက်ဝင်ပြီး စူးစမ်းလေ့လာချင်တဲ့သူပါ။ဒါပေမဲ့မကောင်းတဲ့စိတ်မျိုးမရှိဘဲ ဝါသနာအရသာစူးစမ်းချင်တာမျိုးပါ။တစ်နေ့ Han So-ra ဆိုတဲ့မိန်းကလေးနဲ့အမှတ်မထင်တွေ့ပြီး ဝါသနာအရစူးစမ်းချင်စိတ်ဖြစ်လာပါတော့တယ်။ဒီလိုနဲ့Han So-ra ရဲ့နောက်ကိုတကောက်ကောက်လိုက်ရင်း အိမ်ထဲဝင်ဖို့ကြိုးစားပေမယ့် မအောင်မြင်ခဲ့ပါဘူး။ဒီလိုအချိန် Han So-ra တစ်ယောက်အကျိုးဆောင်ရုံးခန်းကိုရောက်လာပြီး အိမ်ကိုရောင်းဖို့သော့ကိုအပ်လာပါတယ်။Gu Jeong-tae တစ်ယောက် မျောက်အုန်းသီးရသလို Han So-ra ရဲ့အိမ်ထဲခိုးကြောင်ခိုးဝှက်ဝင်ပြီး စူးစမ်းလေ့လာရင်းကနေ တစ်ရက်မှာတော့ Han So-ra သေဆုံးလျက်သားအလောင်းကိုအိမ်ထဲမှာပဲတွေ့လိုက်ရပါတော့တယ်။ထိတ်လန့်ပြီး ထွက်ပြေးခဲ့ပေမယ့် ရဲကိုတိုင်ဖို့နောက်တစ်ခါပြန်ဝင်လာချိန်မှာတော့ အလောင်းကပျောက်ဆုံးသွားပါတော့တယ်။ဒီလိုအချိန် Han So-ra ရဲ့သူငယ်ချင်းဖြစ်သူက ရဲစခန်းမှာလူပျောက်မှုနဲ့ တိုင်ချက်ဖွင့်လိုက်ချိန်မှာတော့ Gu Jeong-tae တစ်ယောက်ပဟေဠိဆန်ဆန်အခြေအနေမျိုးကနေ အလောင်းကိုပြန်လည်ရှာဖွေနိုင်ပါ့မလား။Han So-ra ဆိုတဲ့မိန်းကလေးရဲ့သရုပ်မှန်ကရော ဘယ်လိုပေါ်ထွက်လာမလဲဆိုတာ ရင်ခုန်စိတ်လှုပ်ရှားဖွယ်ကြည့်ရှုခံစားလိုက်ပါဦးနော်။Uncle Samsik ကားထဲက မင်းသား Byun Yo-Han နဲ့ Mr. Queen,Welcome to Samdal-ri ကားထဲက နာမည်ကြီးမင်းသမီး Shin Hae-Sun တို့က ခေါင်းဆောင်ပါဝင်ထားပါတယ်။